සජිත් අන්‍යාගමිකයෙකු බව කී දිවයින සමාව ගනී
Sunday, December 26, 2010පසුගිය සති අන්ත (12/28) දිවයින පුවත් පතේ ‘මහින්ද, රනිල් හා සජිත්’ යන ශීර්ෂය සහිතව මේඝ යන අන්වර්ත නාමයෙන් යුක්තව පල කර ඇති දේශපාලන විග‍්‍රහයේ එක්සත් ජාතික පක්‍ෂ හම්බන්තොට දිස්ත‍්‍රික් පාර්ලිමේන්තු මන්ත‍්‍රී සජිත් පේ‍්‍රමදාස මහතා කිසියම් අන්‍යාගමික නිකායකට බැඳී සිටී යන අදහස මතු වන ආකාරයේ කොටසක් විය.
පහත දැක්වෙන්නේ ලිපියේ එම කොටසයි
‘‘මහින්ද ඉතා නිවැරදිව ග‍්‍රහණය කරගත් ජාතික අනන්‍යතාව හා සංස්කෘතික වටිනාකම් ගැන රනිල් උනන්දු වූයේම නැත. මේ රටේ දේශපාලනය අදත් ඇඳී තිබෙන්නේ ඒ ජාතිකත්වය සමගය. මහින්ද දෙස බලා සජිත් ද පන්සල්වලට යැමට පටන් ගත්තා පමණක් නොව පන්සල්වලට ආධාර අනුග‍්‍රහ කිරීමටද පටන් ගත්තේය.
එහෙත් එය මහින්දගේ මාවත තරම් පැහැදිලි එකක් නොවීය. එක් හේතුවක් පේ‍්‍රමදාස පවුල පිළිබඳව හා ආගමික පසුබිම් පිළිබඳව පැතිරී ගිය කතාය. ඔවුහු කිසියම් අන්‍යාගමික නිකායකට බැඳී සිටිතියි සමහරු කීහ’ සජිත් එහිදී තමා එයට අයත් නොවන බව කීවත් එය ජනතාව පිළිගන්නේද යන්න සැක සහිතය.’’
මෙම පුවත සම්බන්ධව සජිත් පේ‍්‍රමදාස මහතා විසින් උපාලි පුවත්පත් ආයතනයේ සභාපති නිමල් වෙල්ගම මහතාට දුරකතනයෙන් කල පැහැදිලි කිරීමකට අනුව අද දිවයින පුවත්පතේ (12/26) එම පලවූ ලිපියට කණගාටුව පලකොට ඇත.
